UP авиакомпаниясининг 18 август куни кечқурун Тель-Авивдан Киевга учиб кетган самолёти Исроилнинг Бен-Гурион халқаро аэропортига эсон-омон қўнди, дея хабар бермоқда «Корреспондент.net». Йўловчи ва экипаж аъзоларидан ҳеч кимга зарар етмади.
Таъкидланишича, йўловчиларнинг бир нечтасига шок ҳолатидан чиқиш учун мутахассислар ёрдами керак бўлган.
Самолёт Тель-Авив—Киев рейсини амалга оширган. У Исроилдан 21:34 да учиб чиққан, аммо 20 дақиқадан сўнг учиш-қўниш йўлагидан шасси резинасининг бир бўлаги топилган. Бортида 182 йўловчиси бўлган самолёт учувчилари ўзлари учиб чиққан аэропортга қайтишга қарор қилган.
Лайнерни ўнлаб тез ёрдам ва ўт ўчириш хизмати машиналари кутиб олди.
Изоҳ (0)