Жанубий Судандаги қуролли гуруҳлар ва ҳукумат қўшинлари мамлакатда 2013 йилда ички низолар бошланганидан буён жанговар ҳаракатларда иштирок этиш учун 16 мингга яқин вояга етмаганларни жалб қилди, шуларнинг 650 нафари шу йил ҳиссасига тўғри келади. Бу ҳақда БМТ Болалар фонди (ЮНИСЕФ)га таяниб, «ТАСС» хабар берди.
Унинг маълумотларига кўра, жангарилар ва аскарлар бундай амалиётни бас қилиш ҳақидаги даъватларга қарамай, болаларни ҳарбий хизматни ўташга жалб қилишда давом этмоқда.
ЮНИСЕФдагилар эслатишича, бир йил аввал Жанубий Суданда 1775 нафар аскар болалар оилаларига қайтарилган, бу вояга етмаганларнинг тарихдаги энг оммавий демобилизацияси (ҳарбий хизматдан бўшатилиши) бўлган эди. Аммо ташкилотдагилар мамлакатдаги жанговар ҳаракатларнинг қайта бошланиши ва болаларни ёллаш амалиётига қайтиш эришилган ютуқларни чиппакка чиқаришидан хавфсирамоқда.
Изоҳ (0)