АҚШ адлия вазирлиги мамлакат ҳудудидаги хусусий қамоқхоналар билан муносабатларни тўхтатиш чораларини кўрмоқда. Бу ҳақда АҚШ бош прокурори ўринбосари Салли Йетс баёнотига таяниб, AP маълум қилди, дея хабар беради «Интерфакс».
Баёнотга кўра, вазирлик хусусий қамоқхоналар билан шартномаларни қайта тузмаслигига сабаблардан бири охирги уч йил мобайнида маҳбуслар сонининг камайганлигидир. Шунингдек, яқинда ўтказилган текширувлар ушбу муассасалар хавфсизлик масаласида федерал қамоқхоналарга нисбатан кўпроқ муаммоларга дуч келаётганини кўрсатди.
Адлия вазирлиги маълумотларига кўра, 2015 йил декабри ҳолатига хусусий қамоқхоналарда 22 мингдан ортиқ маҳбус сақланган (жами маҳбусларнинг 12 фоизи). АҚШ маъмурияти улар билан 1990-йиллар бошларида, федерал қамоқхоналар маҳбуслар билан тўлиб-тошганлиги сабабли ҳамкорлик қила бошлаганди.
Изоҳ (0)