БМТ бош котибининг Сурия бўйича махсус вакили Стаффан де Мистура Россия билан Алеппо шаҳрида 48 соатли гуманитар танаффус жорий этиш масаласида ҳамкорликка тайёр эканлигини билдирди. Бу ҳақда «Интерфакс» хабар бермоқда.
«Махсус вакил Россиянинг баёнотини қўллаб-қувватлайди. БМТ гуманитар гуруҳи мазкур масалани ҳал этиш учун бор кучини сафарбар этишга тайёр. Режамиз амалиёт икир-чикирларини биргаликда ишлаб чиқиш ва аҳолига гуманитар юкларни имкон борича тезроқ етказиб беришга ҳозир бўлишдан иборат», — дейилади де Мистура номидан эълон қилинган ҳужжатда.
Россия мудофаа вазирлиги 18 август, пайшанба куни Алеппо аҳолисига гуманитар ёрдам етказиб бериш учун келгуси ҳафтада 48 соатли биринчи танаффусни эълон қилишга тайёр эканлигини маълум қилди.
Изоҳ (0)