Индонезиялик блогер ва ҳайкалтарош Ишван Нур Art Stage Jakarta 2016 кўргазмасида шар ва кубларга айлантирилган «Қўнғиз» (Volkswagen) автомобилларидан иборат янги экспозицияни тақдим этди, дея хабар бермоқда The Awesome Daily.
Ижодкорнинг айтишича, у кўпчилик одамлар дарров таниб ололгани ва дизайнерлик нуқтаи назаридан муваффақиятли чиққани учун ҳам Volkswagen’нинг айнан шу моделини ўз ижод намунасига «хом ашё» сифатида танлаган.
Нур ўз ижод намуналари билан тармоқда яхши маълум. Олдинроқ у «Қўнгиз»лардан иборат шарларни Гонконгдаги кўргазмада намойиш этган ва мазкур композиция фотоси салкам миллион маротаба кўрилганди. Экспозицияни ўрнатиш жараёнини ҳам YouTube’да томоша қилиш мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)