Тошкентнинг Ўрикзор даҳасида 10 август куни икки Nexia автомобили иштирокида йўл-транспорт ҳодисаси юз берди. Бу ҳақда Facebook’даги «Водители Ташкента» гуруҳида хабар қолдирилган.
Қайд этишларича, биринчи Nexia бурилаётганида иккинчи Nexia унга келиб урилган. Гувоҳларнинг сўзларига кўра, келиб урилган Nexia’нинг тезлиги рухсат этилганидан юқори бўлган, айни вақтда, биринчи Nexia ҳам асосий йўлдан ҳаракатланиб келган автомобилга йўл бермагани учун ЙТҲ юз бергани айтилмоқда.
Ҳодиса оқибатида тан жароҳати олиб, жабрланганлар ҳақида аниқ маълумот йўқ. Хабарга илова қилинган фотосуратда яроқсиз аҳволга келган Nexia’нинг ўзини алоҳида майдон ичида кўриш мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)