69 килограммгача бўлган боксчилар ўртасидаги турнирнинг ярим финалига қадар етиб келган ўзбекистонлик Шаҳрам Ғиёсов финал остонасида марокашлик Рабби Муҳаммад билан тўқнаш келди.
23 ёшли спортчилар ўртасидаги беллашув ғолиби финалга йўл олса, мағлубиятга учраган спортчи бронза медалини қўлга киритиши керак эди. Ўз вазн тоифасида жаҳон чемпионлигини қўлга киритган марокашлик спортчи дастлабки икки раундни Шаҳрам Ғиёсовга бой берди. Учинчи раундни ҳам кўтаринки руҳда ўтказган ўзбекистонлик боксчи якунда финал чиптасини қўлга киритди.
Шаҳрам Ғиёсов ярим финал жангига қадар учта рақибини турнирдар чиқариб юборди: испаниялик Юба Сиссоко, литвалик Эймантас Станёнис, кубалик Ронел Иглесиас.
Шаҳрам Ғиёсов Ўзбекистон бокс терма жамоасининг финал жангида иштирок этадиган иккинчи вакили бўлди. Унга қадар 49 килограмм вазн тоифасида Ҳасанбой Дўстматов турнир олтин медалига сазовор бўлганди.
Изоҳ (0)