Америкалик олимлар 2084 йилга келиб глобал жазирама туфайли дунёнинг аксарият шаҳарларида ёзги Олимпиада ўйинлари ўтказиб бўлмаслигини башорат қилмоқда. Бу ҳақда The Lancet журнали маълум қилди.
Олимлар ҳарорат, намлик, иссиқлик радиацияси ва шамол тезлигини ҳисобга олиб, шундай хулосага келди. Тадқиқотлар чоғи аҳолиси камида 600 минг киши бўлган шаҳарлар кўриб чиқилди, чунки Халқаро олимпия қўмитаси талабларига кўра, фақат шундай шаҳарларда ўйинлар ўтказилиши мумкин.
Ҳисоб-китобларга кўра, Лотин Америкаси ва Африкада XXI аср охирларидан бошлаб ёзги Олимпиадани ўтказишнинг иложи бўлмайди. Ғарбий Европада 25 шаҳар қолади, уларда ҳам у ёки бу мусобақалар бекор қилиниши хавфи мавжуд. Бошқа минтақаларда ўйинлар учун яроқли манзиллар рўйхатида атиги 8 шаҳар — Санкт-Петербург, Красноярск, Рига, Бишкек, Улан-Батор, Сан-Франциско, Калгари ва Ванкувер қолди, холос.
Изоҳ (0)