Ўзбекистонда 14 август, якшанба куни ҳаво ҳарорати мамлакат бўйлаб сўнгги кунларга нисбатан +2...+4 даражага пасайиши кутилмоқда. Бу ҳақда «Ўзгидромет» маркази хабар бермоқда.
Хабар беришларича, якшанбага ўтар кечаси Ўзбекистоннинг тоғли ҳудудларида ҳаво ҳарорати +13....+18 даража, Бухоро, Навоий, Қашқадарё ва Сурхондарё вилоятларида +20...+25 даража, қолган барча ҳудудларда, хусусан, Тошкент шаҳрида +23 даражагача илиқ бўлади.
14 август куни кундузи тоғли жойларда ҳаво ҳарорати +22...+27 даража, Қорақалпоғистон Республикаси ва Хоразм вилоятида +32...+37 даража, мамлакатнинг қолган барча ҳудудларида, хусусан, Тошкент шаҳрида +38 даражагача иссиқ бўлади.
«Ўзгидромет» маълумотига кўра, 14 августга ўтар кечаси ва 14 август куни кундузи Ўзбекистоннинг тоғли ҳудудларида, шунингдек, Тошкент, Андижон, Наманган ва Фарғона вилоятларининг айрим ҳудудларида қисқа муддатли ёмғир, момақалдироқ ва кучли шамол кузатилиши мумкин.
Маълумот учун, Ўзбекистонда сўнгги бир неча кундан бери кундузги ҳаво ҳарорати +38...+40 даражадан пасаймаётган, жанубий ва чўл ҳудудларда эса +40 даражадан ҳам ошаётган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)