Ўзбекистон вилоят марказлари ва йирик шаҳарлари орасида 11 август, пайшанба куни энг салқин ҳаво Самарқанд шаҳрида қайд этилди. «Ўзгидромет» маълумотига кўра (pdf), Самарқанд вилояти маъмурий марказида шу куни максимал ҳаво ҳарорати +36 даражани ташкил этган.
11 август куни кундузи Жиззах шаҳрида энг юқори ҳаво ҳарорати +37 даражани, Урганч, Навоий, Андижон, Наманган, Фарғона шаҳарларида +38 даражани, Нукус, Бухоро, Гулистон, Қарши, Тошкент шаҳарларида +39 даражани, Термиз шаҳрида эса +40 даражани ташкил этган.
Мамлакатдаги энг салқин ҳаво, одатдагидек, тоғли ҳудудларда қайд этилган. Қамчиқ довонида ҳаво ҳарорати +26 даражадан, Чимён ён-бағирларида эса +30 даражадан ошмаган. Шаҳар ва шаҳарчалар орасида энг салқин ҳаво Ангренда (Тошкент вилояти, +35 даража) кузатилган.
«Ўзгидромет» маълумотларига кўра, Бухоро вилоятининг Жонгелди қишлоғи 11 август куни Ўзбекистоннинг энг иссиқ нуқтасига айланган — шу куни бу ерда ҳаво ҳарорати +42 даражагача кўтарилган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)