Тошкент шаҳрида бунёд этилаётган учинчи ҳалқа йўлининг муҳим бўлаги — Нурафшон кўчасининг Беруний шоҳ кўчаси («Тинчлик» метро бекати)дан Чилонзор Оқтепа майдонига қадар бўлган 4,1 километрлик қисми Ўзбекистон мустақиллигининг 25 йиллиги арафасида қарийб тайёр ҳолга келди.
2016 йилнинг апрель ойида бошланган қурилиш ишлари доирасида собиқ Чиғатой Дарвоза кўчаси кенгайтирилди, Тошкўча кўчасидан бошлаб Кўкча даҳасини кесиб ўтган Маннон Уйғур кўчасига қадар бутунлай янги кўча қурилди — кенгайтирилган ва янги қурилган бу йўлнинг умумий узунлиги 1,4 километрга тенг.
Маннон Уйғур кўчасидан бошлаб эса Оқтепа майдонига қадар ҳаракатланиш бўлаклари сони умумий олтита бўлган буткул янги йўл қурилди, йўлнинг Оқтепа майдонига туташ қисмида собиқ Есенин кўчаси кенгайтирилди.Қайд этиш жоиз, Нурафшон кўчасининг мазкур 2,7 километрлик бўлагида мураккаб йўл қурилиши ишлари амалга оширилди, хусусан, Бўрижар канали орқали сув қувурлари ётқизилиб, ундаги бетон конструкция устидан автомобиль йўли ўтказилди.
Мазкур йўл қурилиши ишлари «Ўзавтойўл» АК «Автомагистрал бирлашмаси» томонидан олиб борилмоқда.Нурафшон кўчасининг Беруний — Маннон Уйғур кўчалари оралиғидаги қисми транспорт қатнови учун тайёр, Маннон Уйғур кўчаси — Оқтепа майдони оралиғидаги қисмида эса айни вақтда асфальтнинг сўнгги қатлами ётқизилмоқда.
Бундан ташқари, янги йўлга ёндош ҳудудларда сўнгги ободонлаштириш ва кўкаламзорлаштириш ишлари давом этмоқда.Нурафшон кўчаси: Беруний шоҳ кўчасидан Маннон Уйғур кўчасига қадар
Нурафшон кўчаси: Маннон Уйғур кўчасидан Чилонзор Оқтепа майдонига қадар
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)