Нефтнинг Brent маркаси октябрь фmючерслари нархи Лондоннинг ICE биржаси савдолари давомида 1,95 фоизга ошиб, баррелига 47,03 долларни ташкил этди. Бу ҳақда савдолар натижаларига таяниб, «ТАСС» хабар бермоқда.
Аввалроқ ОПЕК конференцияси раиси, Қатар энергетика вазири Муҳаммад бин Салеҳ ас-Сада нефтга бўлган талаб 2016 йилнинг иккинчи ярмида ўсишини, «қора олтин» нархларининг охирги пасайиши вақтинчалик эканлигини маълум қилган эди.
Ас-Сада, шунингдек, келажакда соҳа инвестиция етишмовчилиги туфайли нефть қазиб олиш ҳажмининг пасайишига учрашини эслатиб ўтди.
Изоҳ (0)