Гётеборг университетининг археологлари Кипрдаги қазилма ишлари давомида мазкур оролда топилган, катта бойлик кўмиб қўйилган бронза асридаги 3000 йиллик мозорни аниқлади, деб хабар бермоқда «ТАСС».
Экспедиция раҳбари, тарих маданияти профессори Петер Фишернинг фикрича, топилма катта эҳтимол билан оилавий мозор бўлиб, у ерга 9 нафар катта ва 8 нафар кичик ёшдагилар дафн этилган. Қонунга кўра, ундан топилган буюмларни Кипрдан олиб чиқишга рухсат берилмайди. Топилмалар ўрганилиб, таҳлил қилинмоқда. Шундан сўнг улар Никосия ёки Ларнака музейига топширилади.
«Топилмани пул билан ўлчаб бўлмайди. Агар олтиндан ясалган буюмлар қора бозорга бориб қолса, гап катта миқдордаги сумма ҳақида боради. Шу сабабли бу мавзуда ҳатто тахмин қилишни ҳам истамайман», – деди Петер Фишер.
Хабарда айтилишича, экспедиция гуруҳи топилмаларнинг бир қисмини мамлакатдан олиб чиқиб, уларни астойдил тадқиқ қилиш учун Кипр расмийларига мурожаат қилди.
Изоҳ (0)