Россия ҳамда Буюк Британия ташқи ишлар вазирлари Сергей Лавров ва Борис Жонсон телефон орқали суҳбат чоғида терроризмга қарши курашнинг бориши ва икки томонлама сиёсий мулоқотни фаоллаштириш масалаларини муҳокама қилди. Бу ҳақда «ТАСС» хабар бермоқда.
«Россия ТИВ раҳбари Жонсонни вазир лавозимини эгаллагани билан қутлади. Икки томондан ҳам, мавжуд муаммоларга қарамай, Россия ва Британия муносабатлари, жумладан, иқтисод, гуманитар, ташқи сиёсат йўналишларида ўзаро алоқалар яхшиланишига умид билдирилди. Вазирлар терроризм билан курашнинг долзарб қирралари ва Сурия атрофидаги вазиятни ҳам муҳокама этди», — дейилади Россия ТИВ хабарида.
Мулоқот Британия томони ташаббуси билан бўлиб ўтгани билдирилмоқда.
Изоҳ (0)