82 ёшли император Акихито миллатга видеомурожаатида вазифасини уддалай олмаслиги ва Япония тимсоли бўлишни давом этиролмаслиги мумкинлиги ҳақида огоҳлантирди. Бу императорнинг ҳукм суриб келаётган вақтидан бери иккинчи видеомурожаати, дея хабар беради «Ведомости».
«Жисмоний имкониятларим тобора заифлашиб бормоқда ва қайсидир пайт шу вақтгача бажариб келган давлат рамзи бўлиш вазифамни уддалашим қийинчилик туғдиришидан хавотирдаман», — дея маълум қилган император.
Kyodo News агентлигига кўра, давлат раҳбари бу билан тахтдан воз кечишга тайёр эканлигини билдирган. Япония қонунларида бундай ҳолат кўзда тутилмаган ва энди мавжуд қонунларга тузатиш киритилиши ёки янгиларининг қабул қилиниши талаб этилиши мумкин. Олдинроқ мамлакат бош вазири Синдзо Абэ ҳукумат мазкур муаммони жиддий муҳокама этиши ҳақида таъкидлаганди.
Маълумот учун, Акихито 1989 йилдан бери Японияни бошқариб келади.