Даниялик мобил ишлаб чиқувчилар гуруҳи Англияда Too Good to Go дастурини ишга туширди, у ресторанларда ташлаб юбориладиган таомларни буюртма қилиш имконини беради, деб ёзади The Independent.
Дастур Британиянинг қатор шаҳарларида ишлашни бошлади, август охирида эса Лондонда ҳам ишга туширилади. Фойдаланувчилар ресторанлардаги ташлаб юборилмоқчи бўлган тез бузиладиган таомларни буюртма қилиши мумкин. Уларнинг нархи 3—5 доллар атрофида бўлади.
Дастурга 100 дан ортиқ Лондон ресторанлари киритилган, аммо уларнинг кўпчилиги кичик-кичик муассасалардир.
Лойиҳа сайтида таъкидланишича, у «таомга у ахлат қутисига ташланганда йўқотадиган қадрни қайтариш ёрдамида егулик, пул ва сайёрани қутқариш»га қаратилган.
Изоҳ (0)