2 август куни Хитойнинг тагидан машиналар юриб ўтиши мумкин бўлган «келажак автобуси» биринчи марта синов йўналишида ишга туширилди, дея хабар бермоқда TJournal «Синьхуа» агентлигига таяниб.
TEB (Transit Elevated Bus) номли автобус Циньхуандао шаҳрида синовдан ўтказилди. Унинг тормоз тизими, олд томони қаршилиги ва энергия сарфи текширилди.
Автобус Хитой йўлларидаги ҳаракатни енгиллаштиришда ёрдам бериши керак. TEB конструкцияси автомобилларга бевосита унинг ост қисмидан ўтиб кетиш имконини беради.
TEB концепти Пекинда май ойида намойиш қилинган эди. Автобуснинг эни 8 метр, баландлиги 4,6 метр, узунлиги эса 32 метрга етади. Унга 900 дан 1200 кишигача сиғиши мумкин.
Изоҳ (0)