Samsung компанияси фирма стилусига эга Galaxy Note 7 флагман смартфонини Samsung Galaxy Unpacked 2016 конференцияси доирасида бир вақтнинг ўзида учта шаҳар — Нью-Йорк, Рио-де-Жанейро ва Лондонда тақдим этди, деб ёзади «Hi-tech.mail.ru».
Galaxy Note 7 сув ва чангдан ҳимояланган корпусга эга бўлди. Смартфон стилуси ҳатто сув остида ҳам ишлай олади — Samsung қурилмалари авваллари бундай қобилиятга эга эмасди.
Яна бир янгилик — кўзнинг рангдор пардаси сканери. Тизим қўлларингиз кирланган ёки нам бўлса, ёхуд қўлқоп кийган бўлсангиз ҳам, смартфонни блокдан чиқариш имконини беради.
Samsung Galaxy Note 7 Qualcomm Snapdragon 821 ва Exynos 8 Octa 8893 чипсетларига эга икки хил версияда чиқарилади.
Шунингдек, смартфон 4 Гб тезкор ва 64 Гб ички хотира (+microSD 256 гигабайтгача), 5,7 дюймли ва 2560×1440 пикселли Super AMOLED дисплей (икки ёни ҳам қайрилган), 12 мегапикселли асосий ва 5 мегапикселли олд камера, 3500 мА/соат сиғимли аккумуляторга эга бўлди.
Бундан ташқари, қурилмага гироскоп, акселерометр, рақамли компас, бармоқ изи сканери ўрнатилган.
Galaxy Note 7 Android 6.0 операцион тизими базасидаги New Grace UX қобиғида ишлайди. Смартфон кумуш ранг, қора, ҳаво ранг ва тилла рангда чиқарилади.
2 август куни Samsung Galaxy Note 7 фақат Жанубий Кореяда сотувга чиқди. Биринчи тўлқин мамлакатлари (Австралия, Буюк Британия, Германия, Гонконг, Канада, Хитой, Янги Зеландия, Пуэрто-Рико, Сингапур, Франция, Япония ва АҚШ)да янги смартфон 16 августда пайдо бўлади.
Қурилма Россия ҳудудида расман 2016 йилнинг 26 августида 64 990 рубл (тахминан 973 доллар)дан сотила бошлайди.
Изоҳ (0)