Ўзбекистон халқ артисти Эркин Комилов Telegram мессенжерида ўзининг тор бир даврада айтган ножўя гаплари муҳрланган видеони тарқатганларни топиб, судга бермоқчи. Бу ҳақда «Даракчи»га таяниб, «1news.uz» хабар бермоқда.
Шунингдек, актёр видеодаги қўпол сўзни айтмаганини билдирган. Унинг сўзларига кўра, у икки йил аввал Сирдарёга кетаётиб, йўлда Самарқанддан қайтаётган водийлик эр-хотинни кўриб қолган ва улар билан ҳазиллашган.
Сўнг у Самарқандда меҳмонга бориб, бир даврада ўша ҳазилни ҳикоя қилиб берган. Актёрнинг айтишича, мазкур мутойибани кимдир ёзиб олиб, монтаж қилган ва тарқатиб юборган.
Изоҳ (0)