Хонанда Шоҳжаҳон Жўраевнинг Instagram’даги саҳифасига хакерлар ҳужум қилиб, профилини ўзлаштириб олди. Мазкур ҳолат юзасидан журналист Феруз Муҳаммад хонанданинг маъмури Шуҳрат Усмонов билан боғланиб, вазиятга ойдинлик киритди.
— Шоҳжаҳон Жўраевнинг Instagram’ига хакерлар ҳужум қилиб, уни ўзлаштириб олгани ростми?— Кеча Қашқадарёда хизматда бўлган вақтимиз Instagram’даги саҳифага кира олмай қолдик. Тошкентга етиб келгунимизча йўлда уни очишга ҳаракат қилдик, аммо оча олмадик.
— Демак, ҳали ҳам профил бошқа одамнинг номида турибди, шундайми?— Ҳа, ҳали ҳам бошқа одамнинг номида турибди. Бир-икки кишининг ёрдами билан профилни қайтариб олишга ҳаракат қиляпмиз, кўрамиз — бу профил ё бутунлай ўчиб кетади, ёки яна қайта тиклаб оламиз. Аввал ҳам худди шундай ҳолат бўлган эди, унда қайтариб ололган эдик. Ҳозир профилни эгаллаб олганлар «Ким эдигу ким бўлдик» тадбирларида туширган видеоларимиздан 70—80 тасини ўчириб ташлаган. Мухлисларимизга ҳозирча мазкур профилдаги маълумотларга ишонмасликларини, профил қайта ишга тушгандан сўнг ўзимиз уларга хабар беришимизни таъкидлаб ўтмоқчи эдим.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)