15 август куни Дубайда дунёдаги энг катта ёпиқ боғ — IMG Worlds of Adventure ишга тушади. Охирги синов босқичларидан ўтаётган улкан тематик боғ 20 та ғаройиб ёпиқ тепалик ва бошқа кўплаб аттракцион ва томошаларни ўз ичига олган, дея хабар бермоқда UAE Inside.
Кўнгилочар боғ шунчалик каттаки, унинг ҳудуди 28 та футбол майдони, баландлиги эса ўн қаватли уйнинг баландлигига тенглашади. Боғнинг очилиш маросимидаги ғаройиб томоша учун раққос ва акробатлар февраль ойидан буён машқ қилмоқда.
Ундаги ҳар бир аттракцион ўзига хос бўлади. Жумладан, Lost Valley аттракционлари ҳудудида ҳақиқий катталикдаги 69 та динозавр барпо этилган. Улардан энг каттаси 15 метр баландликка эга. Ҳар бир динозавр ҳаракатлана олади. Ҳаракатланаётган динозаврлар боғдаги ҳақиқий санъат асари бўлади. Уни яратган япон компанияси фойдаланган махсус силикон динозавр терисига жуда ўхшашдир.
Шунингдек, бошқа кўнгилочар томошалар орасидан соатига 100 километр тезликкача ҳаракатланадиган, 5D тизими ва энг янги технологиялар қўлланувчи аттракционларни кўриш мумкин.
Болалар боғда Marvel, Cartoon Network ва бошқа севимли қаҳрамонларини учратиши мумкин.
https://www.youtube.com/watch?v=ENmRbqkE4Gs
Изоҳ (0)