15-avgust kuni Dubayda dunyodagi eng katta yopiq bog‘ — IMG Worlds of Adventure ishga tushadi. Oxirgi sinov bosqichlaridan o‘tayotgan ulkan tematik bog‘ 20 ta g‘aroyib yopiq tepalik va boshqa ko‘plab attraksion va tomoshalarni o‘z ichiga olgan, deya xabar bermoqda UAE Inside.
Ko‘ngilochar bog‘ shunchalik kattaki, uning hududi 28 ta futbol maydoni, balandligi esa o‘n qavatli uyning balandligiga tenglashadi. Bog‘ning ochilish marosimidagi g‘aroyib tomosha uchun raqqos va akrobatlar fevral oyidan buyon mashq qilmoqda.
Undagi har bir attraksion o‘ziga xos bo‘ladi. Jumladan, Lost Valley attraksionlari hududida haqiqiy kattalikdagi 69 ta dinozavr barpo etilgan. Ulardan eng kattasi 15 metr balandlikka ega. Har bir dinozavr harakatlana oladi. Harakatlanayotgan dinozavrlar bog‘dagi haqiqiy san’at asari bo‘ladi. Uni yaratgan yapon kompaniyasi foydalangan maxsus silikon dinozavr terisiga juda o‘xshashdir.
Shuningdek, boshqa ko‘ngilochar tomoshalar orasidan soatiga 100 kilometr tezlikkacha harakatlanadigan, 5D tizimi va eng yangi texnologiyalar qo‘llanuvchi attraksionlarni ko‘rish mumkin.
Bolalar bog‘da Marvel, Cartoon Network va boshqa sevimli qahramonlarini uchratishi mumkin.
https://www.youtube.com/watch?v=ENmRbqkE4Gs
Izoh (0)