31 июль, якшанба куни Франциядаги барча черковларда диндорлар Нормандиянинг Сент-Этьен-дю-Рувре шаҳрида террорчилар томонидан ўлдирилган католик руҳонийси Жак Амелнинг хотирасини ёдга олди, деб ёзади «ТАСС». Якшанба ибодатида насронийларга ҳамдардлик белгиси сифатида мусулмонлар ҳам қўшилди.
Асосий хотирлаш ибодати Руан кафедрал соборида бўлиб ўтди, уни Руан архиепископи Доминик Лебрён олиб борди, черковнинг ўзи эса ташрифчилар билан лиқ тўлди — қадимий Руан соборидаги ибодатга 2000 дан ортиқ киши келди.
Эслатиб ўтамиз, черковга уюштирилган ҳужум оқибатида 84 ёшли роҳиб ҳалок бўлди, бир неча тутқун яраланди. ИШИД террорчилик гуруҳи черковга уюштирилган ҳужум учун жавобгарликни зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)