Дунёнинг энг бой кишилари қандай уйларда яшайди? (фото)

Forbes журнали рейтингининг биринчи ўнта поғонасини эгаллаб келаётган кишилар қандай уйларда яшайди?

10.Кристи Уолтон

Кристи Уолтон — Wal-Mart савдо тармоғи эгадоши — 2005 йилда авиаҳалокатда нобуд бўлган ўз турмуш ўртоғи Жон Уолтоннинг давлатини мерос қилиб олган.

9.Мукеш Амбани

2010 йилда Reliance Industries мультисаноат мажмуаси раҳбари Мукеш Амбани дунёдаги энг қимматбаҳо уй — «Антилия» ҳовли-жойини қурди. 27 қаватли бинонинг нархи 1 миллиард долларга тенг.

8.Эйке Батиста

Бразилиялик магнат Эйке Батиста Рио-де-Жанейро қирғоқларидаги ҳашаматли уйда яшайди.

7.Амансио Ортега

Zara савдо тармоғи хўжайини Испаниянинг Ла-Корунья шаҳридаги оддий кўп хонадонли уйда яшайди

6.Лакшми Миттал

2004 йилда энг бадавлат ҳиндистонлик — Лакшми Миттал Лондондаги энг чиройли уйлардан бирини сотиб олди. Ўша вақтда ҳовли-жойнинг нархи 128,5 миллион долларни ташкил қилган, бу ўшанда дунё уй-жой бозори учун рекорд сумма бўлган.

5.Ларри Эллисон

Oracle корпорацияси раҳбари АҚШнинг Калифорния штати Вудсайд шаҳрида XVI асрдаги Япония императорлари саройига ўхшаш данғиллама уй қурди. Унинг нархи 200 миллион долларга баҳоланмоқда.

4.Бернар Арно

LVMH Moët Hennesy — Louis Vuitton концерни президенти оиласи билан Франциянинг Сен-Тропе коммунасидаги денгиз бўйича жойлашган ҳашаматли виллада яшайди.

3.Уоррен Баффет

Миллиардер АҚШнинг Небраска штати Омаха шаҳрида ўзи 1958 йилда 31,5 минг долларга сотиб олган уйда яшайди.

2.Билл Гейтс

Microsoft асосчисининг ҳовли-жойи дунёдаги энг «ақлли» уйлардан бири ҳисобланади. Бошқарув тизими микроиқлимни назорат қилиб, уйдагилар учун оптимал шароитларни яратади. Гейтснинг ҳар бир меҳмонига RFID жетони берилади, унинг ёрдамида барча зарур қурилмаларни ишга тушириш мумкин.

1.Карлос Слим Элу

Мексикалик миллиардер Нью-Йоркдаги Бешинчи авенюда жойлашган тарихий бино — Дюк-Семанс уйини 44 миллион долларга сотиб олди.