28 июль, пайшанба куни бутун Ўзбекистон бўйлаб кучли шамол кузатилади, айрим ҳудудларда ёғингарчилик ва момақалдироқ кузатилиши мумкин. Бу ҳақда «Ўзгидромет» маркази хабар бермоқда.
Хабар беришларича, пайшанбага ўтар кечаси Ўзбекистоннинг тоғли ҳудудларида +17...+22 даража, Фарғона водийси вилоятларида +22...+27 даража, Қашқадарё ва Сурхондарё вилоятларида +23...+28 даража, қолган ҳудудларда, жумладан, Тошкент шаҳрида +25 даражагача илиқ бўлади.
28 июль куни кундузи тоғли ҳудудларда +22...+27 даража илиқ, Қорақалпоғистон Республикаси ва Хоразм вилоятида +28...+33 даража, Тошкент шаҳрида +32...+34 даража, Фарғона водийси вилоятларида +30...+35 даража илиқ бўлади.
Шу куни Тошкент, Самарқанд, Жиззах, Сирдарё вилоятларида ҳаво ҳарорати +32...+37 даража, Бухоро ва Навоий вилоятларида +33...+38 даража, Қашқадарё ва Сурхондарё вилоятларида эса +35...+40 даража иссиқ бўлиши кутилмоқда.
28 июлга ўтар кечаси ва 28 июль куни кундузи бутун Ўзбекистон бўйлаб шамол тезлиги сониясига 15—20 метргача кучайиши мумкин. Бундан ташқари, тоғли ҳудудларда, Тошкент, Самарқанд, Жиззах, Сирдарё, Андижон, Наманган, Фарғона вилоятлари ва Тошкент шаҳрида қисқа муддатли ёмғир ёғиши ва момақалдироқ бўлиши мумкин.
Рекорд: Термизда 26 июль куни ҳаво ҳарорати +46 даражага кўтарилди
Тошкентда ҳаво ҳароратининг иссиқлиги бўйича 1913 йилги рекорд янгиланди
Изоҳ (0)