Internet Live Stats таҳлилчилари дунёнинг 201 мамлакатида интернет фойдаланувчилари сони ва интернетнинг кириб бориши бўйича охирги маълумотларни эълон қилди. Бу ҳақда «Index.uz» хабар бермоқда.
2016 йил 1 июль ҳолатига кўра, Хитой фойдаланувчилар сони бўйича дунёда биринчи ўринда турибди (721 миллион киши, мамлакат аҳолисининг 52,2 фоизи). Иккинчи ва учинчи ўринларда Ҳиндистон (460 миллион, 34,8%) ва АҚШ (286 миллион, 88,5%) қайд этилди. Кейинги ўринларни Бразилия (139 миллион, 66,4%) ва Япония (115 миллион, 91,1%) эгаллади.
Ўзбекистон 15,4 миллион фойдаланувчи билан (аҳолининг 51 фоизи) мазкур рўйхатда 37-ўринда қайд этилди. Йил давомида фойдаланувчилар сони 893 596 киши ёки 6,15 фоизга (аҳоли шу пайтда 1,36 фоизга кўпайган) ошди.
Интернетнинг аҳоли сонига нисбатан кириб бориши кўрсаткичи бўйича олдинги ўринларни Исландия (100%), Фарерь ороллари (98,5%) ва Норвегия (98%) эгаллади.
Изоҳ (0)