Россия ва Туркия «Турк оқими» газ тармоғи лойиҳасини амалга ошириш бўйича музокараларни тиклади. Бу ҳақда Россия энергетика вазирининг ўринбосари Юрий Сентюринга таяниб, Reuters маълум қилди, дея хабар беради «Газета.ru».
Сентюринга кўра, музокаралар бошланғич босқичда бўлиб, ҳозирча ҳеч қандай қарор қабул қилинмади. 26 июль, сешанба куни Россия бош вазирининг ўринбосари Аркадий Дворкович туркиялик ҳамкасби Меҳмет Шимшек билан учрашди ва томонлар икки мамлакат ўртасида савдо-иқтисодий алоқаларни тиклашга тайёр эканликларини билдирди. Дворкович олдинроқ Россия ва Туркиянинг қўшма лойиҳалари, жумладан, «Турк оқими» ўз кучида қолишини маълум қилганди.
Маълумот учун, Россиянинг Су-24 самолёти Туркия томонидан уриб туширилгач, Туркия ҳудуди бўйлаб ўтадиган газ тармоғи лойиҳаси устидаги ишлар музлатилганди.
Изоҳ (0)