Қирғизистон президенти Алмазбек Атамбаев Бразилиядаги Ёзги олимпиада ўйинларида мамлакат шарафини ҳимоя қилишга тайёрланаётган спортчиларни табриклади, деб ёзади KNews. Маросим Ала-Арча давлат қароргоҳида бўлиб ўтди.
«Қийинчиликларга қарамай, биз спортга тобора кўпроқ эътибор қаратмоқдамиз. Стипендияларни оширдик. Бутун мамлакат бўйлаб спорт мажмуалари қурилмоқда… Сиз учун эса биз яхшигина мукофотларни тайёрламоқдамиз: олтин медаль учун 7 миллион сом (тахминан 104 минг доллар), кумуш учун 5 миллион сом (75 минг доллар) ва бронза учун 3,5 миллион сом (52 минг доллар)», — дея ваъда берди Атамбаев.
Рио-де-Жанейродаги Олимпиада ўйинларида Қирғизистондан 19 нафар спортчи иштирок этади.
Изоҳ (0)