Apple компанияси ўз электромобилини серияли ишлаб чиқаришни бир йилга — 2020 йилдан 2021 йилгача кечиктирди. Бу ҳақда The Information нашри ўз манбаларига таяниб хабар қилди, деб ёзади Motor.
Баъзи маълумотларга кўра, муддатнинг кечиктирилиши Apple’дан Стив Задески — компанияда 16 йил ишлаган ва сўнгги икки йил давомида электромобил билан шуғулланган мутахассиснинг кетиши билан боғлиқ. Яна бошқа ахборотга кўра, лойиҳанинг боришидан Apple бош дизайнери Жонни Айв қониқмаяпти.
Apple электромобиль ишлаб чиқариши ҳақида анчадан буён миш-мишлар юрган бўлишига қарамай, у ҳали расман тасдиқланганича йўқ.
Изоҳ (0)