Apple kompaniyasi o‘z elektromobilini seriyali ishlab chiqarishni bir yilga — 2020-yildan 2021-yilgacha kechiktirdi. Bu haqda The Information nashri o‘z manbalariga tayanib xabar qildi, deb yozadi Motor.
Ba’zi ma’lumotlarga ko‘ra, muddatning kechiktirilishi Apple’dan Stiv Zadeski — kompaniyada 16 yil ishlagan va so‘nggi ikki yil davomida elektromobil bilan shug‘ullangan mutaxassisning ketishi bilan bog‘liq. Yana boshqa axborotga ko‘ra, loyihaning borishidan Apple bosh dizayneri Jonni Ayv qoniqmayapti.
Apple elektromobil ishlab chiqarishi haqida anchadan buyon mish-mishlar yurgan bo‘lishiga qaramay, u hali rasman tasdiqlanganicha yo‘q.
Izoh (0)