Арманистон президенти Серж Саргсян Ереванда полиция биносини эгаллаб олган тарафдорлари озод этилишини талаб қилаётган «Таъсисчи парламент» координатори Жирайр Сефилян билан учрашишга тайёр. Бу ҳақда «Интерфакс» хабар бермоқда.
«Менинг воситачилигимда қамоқхонада Сефиляннинг расмийларнинг юқори мартабали вакили ва ‘Таъсисчи парламент’ аъзоси Алек Енигомшян билан учрашуви бўлиб ўтди. Сефилян уни безовта қилаётган миллий аҳамиятга эга масалаларни кўтарди, биз уларни Арманистон президентига етказишга ваъда бердик. Биз ваъдамизни бажардик: президент йигитлар қуролни топшириб, таслим бўлгач, Сефилянни таклиф этиш ва у билан мавжуд вазият ҳамда истиқболни муҳокама этишга тайёрлигини маълум қилди», — дейилади расмийлар ва қуролли гуруҳ ўртасидаги асосий воситачи, тан олинмаган Тоғли Қорабоғ республикаси парламенти депутати Виталий Баласаняннинг 24 июль, якшанба куни тарқатилган баёнотида.
Депутатга кўра, Сефилян «ҳозирги босқичда президент истеъфога чиқиши талабидан воз кечиши»ни билдирган.
Изоҳ (0)