Қўшма Штатлар Марокашнинг Африка иттифоқига (АИ) қайтиш истагини қўллаб-қувватлайди. Бу ҳақда қиролликка ташриф буюрган АҚШ Давлат котибининг биринчи ўринбосари Энтони Блинкен маълум қилди, деб хабар беради «ТАСС».
«Қироллик АИга қайтиш ҳақида сўраганидан мамнунмиз. Бу муҳим қадам, Марокашнинг иттифоқ таркибида бўлиши бутун Африка учун наф беради. АҚШнинг стратегик шериги овози АИ кенгашида эшитилиши жуда ижобий натижа», — таъкидлади Блинкен.
1984 йили Марокаш Африка бирдамлиги ташкилоти (ҳозирги АИ) таркибидан чиққанди. Бунга иттифоққа мамлакат ўз ҳудуди ҳисоблайдиган, Ғарбий Саҳрои Кабир мустақиллиги учун курашаётган Саҳрои Кабир араб демократик республикаси қабул қилингани сабаб бўлган эди.
Изоҳ (0)