Сурия ҳарбий-ҳаво кучлари Хама вилоятининг шарқий туманларида амалга оширган авиаҳужумлар натижасида ИШИД гуруҳининг 100 дан ортиқ жангариси йўқ қилинди. Бу ҳақда «ТАСС» хабар бермоқда.
Сурия қўмондонлиги вакилининг сўзларига қараганда, 20 июль, чоршанба куни эрталаб ал-Муфаккир аҳоли яшаш пункти яқинида 100 дан ортиқ радикал тўпланган. Амалга оширилган авиазарба натижасида уларнинг бари йўқ қилинган.
Бундан ташқари, ўша ҳудудда ИШИДнинг бир нечта қурол-яроғ омбори портлатиб юборилган, пулемётлар ўрнатилган 13 та машинаси йўқ қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)