БМТ бош котиби Пан Ги Мун аъзо давлатлар раҳбарларини 21 сентябрь куни Нью-Йоркда, халқаро ташкилот штаб-квартирасида бўлиб ўтадиган иқлим бўйича Париж келишувини ратификация қилиш маросимида иштирок этишга таклиф этди. Бу ҳақда бош котиб расмий вакили ўринбосари Фарҳан Ҳақ маълум қилди, дея хабар беради «ТАСС».
«БМТ бош котиби барча мамлакатлар етакчиларини 21 сентябрь куни иқлим ўзгариши бўйича Париж келишуви ратификацияси, қабул қилиниши, маъқулланиши ёки қўшилиши ҳақидаги ёрлиқларни тақдим этиш маросимига таклиф қилди. Мазкур тадбир бунга ҳали улгурмаган давлатлар учун келишувни 2016 йил охиригача ратификация қилиш ҳақида ошкора ваъда беришга имкон яратади», — дея таъкидлади Фарҳан Ҳақ.
Давлат раҳбарларига йўлланган мактубда БМТ бош котиби мамлакатларни Париж келишуви қисқа муддатларда кучга киришига эришишга чақирди. Унинг фикрига кўра, бу ташланмалар ҳажмини қисқартириш бўйича ваъдалар бажарилишини бошлашга туртки бўлади, иқлим ўзгаришларига қарши кураш чораларини қўллаб-қувватлаш жамият ва ишлаб чиқарувчилар томонидан кучайишига олиб келади.
Изоҳ (0)