АҚШ ва Евроиттифоқ Жаҳон савдо ташкилоти (ЖСТ)га Хитойга қарши навбатдаги шикоят аризасини берди. Бу ҳақда савдо бўйича еврокомиссар Сесилия Мальмстрем ва АҚШнинг савдо музокараларидаги вакили Майкл Фроман маълум қилди, деб ёзади «ТАСС».
АҚШ ва Евроиттифоқ Хитойнинг хом ашё маҳсулотларига экспорт божлари ва экспорт квоталари устидан даъво бермоқда. Вакиллар сўзларига кўра, бундай савдо чекловлари ЖСТ қоидалари билан тақиқланган.
Ўтган ҳафта Вашингтон ЖСТга Хитой устидан даъво аризаси беришини эълон қилган, бунга сабаб сифатида унинг тўққизта хом ашё маҳсулоти — графит, кобальт, магнезия, мис, қўрғошин, сурма, тальк, тантал, рухга қўйилган экспорт божлари келтириб ўтилганди. Энди даъво кенгайтирилмоқда.
Изоҳ (0)