Олмаотадаги отишмаларда ҳалок бўлганларнинг оиласига 15 миллион тенге (45 минг доллар), жабрланганларга 5 миллион тенгедан (15 минг доллар) моддий ёрдам ажратилади. Бу ҳақда шаҳар маъмуриятига таяниб, «ТАСС» хабар бермоқда.
Шаҳар ички ишлар департаменти расмий вакили Салтанат Азимбекка кўра, 60 ойлик ўртача маош миқдорида бир йўла бериладиган товон пули, шунингдек, дафн маросимлари харажатларининг қопланиши ҳам кўзда тутилган.
19 июль, сешанба куни Олмаота ва Остона полициячилари бир кунлик маошларини ҳалок бўлган ҳамкасбларининг оилаларига ўтказиб берди.
Эслатиб ўтамиз, 18 июль куни Олмаотада номаълум шахслар Қозоғистон Миллий хавфсизлик қўмитаси Олмаота шаҳар департаменти ва шаҳарнинг Алмали тумани полиция департаменти биноларига ҳужум уюштирган эди. Оқибатда беш киши, жумладан, уч нафар полициячи ҳалок бўлди. Саккиз киши яраланди, улардан олти нафари полиция ходимидир.
Изоҳ (0)