ИШИД террорчилик гуруҳи Франциянинг Ницца шаҳрида юз берган теракт учун жавобгарликни зиммасига олди. Бу ҳақда террорчиларнинг ОАВларига таяниб, Al Jazeera телеканали хабар бермоқда, деб ёзади «РИА Новости».
Ниццадаги теракт 14 июль куни кечқурун содир бўлди. Бастилия ишғол қилинган кун муносабати билан байрамона мушакбозликни томоша қилишга йиғилган кишиларни юк машинаси босиб кетди. Гувоҳларнинг сўзларига кўра, юк машинаси одамларни деярли икки километр йўл давомида босиб ўтган. Бундан ташқари, ҳайдовчи одамларга ўқ узган. Ҳодиса натижасида 84 киши ҳалок бўлди, юзлаб кишилар жабрланди.
Полициячилар террорчини йўқ қилди. Полиция терактни содир этган шахс Ниццада яшовчи, келиб чиқиши тунислик бўлган Муҳаммад Лухуайеж Бухлель эканлигини аниқлади.
Аввалроқ Франция ОАВларидаги тасдиқланмаган маълумотларга таяниб, Британиянинг The Daily Mail газетаси ИШИД террорчилик ташкилоти ҳодиса учун жавобгарликни зиммасига олганини хабар берганди.ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)