«Ука, бу ерни Тошкент дейдилар!»: Ҳамма олдинга, Malibu эса — орқага. Кўча ўртасидаги ҳаракатланиш бўлагидан

Facebook’даги «Водители Ташкента» гуруҳида Тошкент шаҳридаги Абдулла Қодирий кўчасида олинган эътиборга молик видео эълон қилинди.

Видеода Chevrolet Malibu автомобили кўчанинг ўртасидаги ҳаракатланиш бўлагидан ортга ҳаракатланиб келаётганини кўриш мумкин. Ҳодиса Абдулла Қодирий кўчасида юз берган.

Malibu нима сабабдан ортга ҳаракатлангани номаълум. Видеохабарга муносабат билдирган баъзи фойдаланувчиларнинг ёзишича, «шу ердан 200 метр олдинда қайрилиб олиш жойи бор эди».

Маълумот учун, Йўл ҳаракати қоидаларининг 63-бандига мувофиқ, транспорт воситасини орқага ҳаракатлантиришда ҳайдовчи йўл ҳаракати хавфсизлигини таъминлаши ва бошқа йўл ҳаракати қатнашчиларига халақит бермаслиги шарт.

Маъмурий жавобгарлик тўғрисидаги кодекснинг 147-моддаси 1-қисмига мувофиқ, йўл ҳаракатига қасддан халал бериш энг кам иш ҳақининг ўн баравари (12 июль ҳолатига кўра — 1 302 400 сўм), авария ҳолати юзага келишига сабаб бўлган ҳуқуқбузарликни содир этиш энг кам иш ҳақининг ўн баравари (1 302 400 сўм) миқдорида жарима солинишига сабаб бўлади.

• «Ука, бу ерни Самарқанд дейдилар!»: BMW’га айланган Cobalt

• «Ука, бу ерни Андижон дейдилар!»: Тракторга айланган Cobalt