Тошкент шаҳрининг Марказ-5 мавзесида 11 июль, душанба куни 85-йўналиш бўйлаб ҳаракатланувчи Mercedes-Benz Conecto Low Floor автобусида ёнғин ҳолати юз берди. Бу ҳақда Facebook’даги «Водители Ташкента» гуруҳида фотохабар қолдирилган.
Ҳодиса юз берган жой яқинида ўт ўчириш бўлинмаси бўлгани сабабли, автобусдаги аланга тезда ўчирилган. Ёнғин натижасида тан жароҳати олиб, жабрланганлар ҳақида маълумот йўқ. Фавқулодда ҳолат нима сабабдан рўй бергани ҳам аниқ эмас.
Аввалроқ 21 июнь куни Тошкентнинг Олтинтепа кўчасида ва 7 июль куни Сирғали туманида ҳам Mercedes-Benz Conecto Low Floor автобусларининг мотор қисмидан ёнғин келиб чиққани ҳақида хабар берилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)