Вашингтонда полиция бир ҳафта ичида иккинчи марта Капитолийни қуршаб олди, 12 июль, сешанба куни бу отишма билан боғлиқ ҳодисадан кейин рўй берди, деб ёзади «Ведомости».
12 июль куни радиокарнайлар орқали махсус режим жорий этилгани ҳақида эълон қилинди, ходимларга бинодан кўчага чиқиш тақиқланди, бироқ ер ости ўтиш йўлларидан фойдаланишга рухсат берилди, бу ярим соат давом этди.
Бунга қадар Капитолий яқинида жойлашган меҳнат вазирлиги биноси яқинида ўқотар қурол кўтарган эркакни кўришгани ҳақида хабарлар келиб тушган эди.
Вашингтон полиция департаменти вакили Капитолий унинг ҳудудида содир бўлган отишмадан сўнг ўраб олинганини маълум қилди. Полициячилар меҳнат вазирлиги яқинида кўзга ташланган шубҳали автомобилни таъқиб қилди, сўнг ундаги одамни қидириш ишлари олиб борилди, у қўлга олингач, қуршов бекор қилинди.
Ҳодисадан сўнг икки гумонланувчи ҳибсга олингани хабар қилинмоқда.
Ўтган ҳафтада ҳам Капитолий ёлғон тревога туфайли бироз вақтга қуршаб олинган эди. Полиция мажмуа ҳудудига қуролли шахс кириб олгани ҳақида гумон қилган.
Изоҳ (0)