12 июль, сешанба куни Италия жанубида икки поезднинг тўқнашиб кетиши оқибатида ҳалок бўлганлар сони 27 кишига етди. Бу ҳақда ANSA агентлигига таяниб, «ТАСС» хабар бермоқда.
Воқеа жойида қидирув ишлари олиб борилмоқда. Қурбон бўлганлар сони ҳақидаги маълумот якуний эмас. Аввалроқ ҳалокат оқибатида қурбон бўлганлар сони 20 кишига етганлиги ҳақида хабар қилинганди.
Ҳодиса натижасида 50 киши жароҳатланган. Улар орасида тўқнашиб кетган поездлардан бирининг машинисти бор, у оғир аҳволда шифохонага етказилди. Иккинчи машинист воқеа жойида ҳалок бўлди.
Эслатиб ўтамиз, ҳалокат Бари провинциясида, Корато ва Андрия шаҳарлари орасида содир бўлди.
Изоҳ (0)