Rossiya va Ozarbayjon ikki tomonlama muloqotlar chog‘ida Tog‘li Qorabog‘ mojarosini tartibga solishda ilgari siljishga imkon beradigan aniq qadamlarni muhokama qilmoqda. Bu haqda Rossiya tashqi ishlar vaziri Sergey Lavrov ozarbayjonlik hamkasbi Elmar Mamedyarov bilan muzokaralari chog‘ida ma’lum qildi, deya xabar beradi “TASS”.
“Ozarbayjon prezidenti Ilhom Aliyev bilan batafsil, oshkora va o‘zaro ishonch ruhidagi suhbat bo‘lib o‘tdi. Ikki tomonlama munosabatlar muhokama qilindi va Tog‘li Qorabog‘ mojarosini bartaraf etishda taraqqiyotga olib kelishi mumkin va shart bo‘lgan qadamlar belgilab olindi. Munosabatlarimiz va strategik sherikligimiz istisnosiz barcha yo‘nalishlarda rivojlanib borayotgani haqidagi fikrlaringizga qo‘shilaman”, — deya ta’kidladi Lavrov.
Mamedyarovga ko‘ra, tomonlar iqtisodiy, gumanitar, Tog‘li Qorabog‘dagi vaziyat kabi ko‘plab yo‘nalishlarda muloqot olib bormoqda. Vazir “muzokaralar jarayonining ildamlab borayotgani uzoq muddatli mojaroga barham berishi”ga umid bildirdi.
Izoh (0)