Хонанда Адҳам Солиев чинозлик Аҳмадбойга икки баробар кўпайтириш шарти билан катта миқдорда пул бергани ҳақидаги миш-мишларни рад этиб чиқди. Хонанданинг видеомурожаати ижтимоий тармоқларда, мессенжерларда, шунингдек, YouTube видеохизматида эълон қилинган.
«Қайсидир санъаткор Аҳмадбойга пул берган бўлиши мумкин, лекин мен пул тугул, сигир ҳам бермаганман. Илтимос, Telegram орқали тарқатилаётган бундай гап-сўзларга мени қўшманглар», — деди хонанда Адҳам Солиев.
«Ундан кўра юртимизнинг тинчлигини Худодан сўранглар, ўзингиз учун, ота-онангиз учун соғлиқ-саломатлик сўранглар. Мазза қилиб: «Бўри эдим, бўри, йигитларнинг зўри», деб, йигитларнинг зўри бўлиб юринглар», — дея қўшимча қилди хонанда.
Аввалроқ хонанда Муниса Ризаева ва актриса Раъно Ярашева ҳам чинозлик Аҳмадбойга кўпайтириб бериш шарти билан пул бергани ҳақидаги гап-сўзларни рад этиб чиққан эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)