Буюк Британиянинг Кариб денгизидаги мулки бўлган Кайман ороллари расмийлари Зика, денге ва чикунгунья вирусларига қарши кураш учун ирсий ўзгартирилган чивинларни озодликка чиқаришга қарор қилди. Бу ҳақда «ТАСС» хабар бермоқда.
Мазкур услуб моҳияти дунёнинг 60 дан ортиқ мамлакатида Зика вирусини тарқатаётган Aedes aegypti туридаги чивинларнинг миллионлаб эркак мутантларини озодликка чиқаришдан иборат. Улар чақмайди ва келгусида кўпайишга қодир бўлмаган насл қолдиради. Олдинроқ хавфли инфекцияларнинг олдини олиш учун Бразилияда шундай трансген ҳашаротлардан фойдаланилганди.
Кайман ороллари узоқ вақт давомида Зика вирусидан холи ҳудуд бўлиб келаётганди. Бироқ шу ҳафтада расмийлар бошқа мамлакатларда юқтирилган касаллик билан боғлиқ икки ҳолат ҳақида хабар қилди.
Изоҳ (0)