АҚШнинг Техас штати Даллас шаҳрида полициячиларни ўлдирган Мика Хавьер Жонсон Афғонистонда қуруқликдаги қўшинларнинг захирадаги ҳарбий хизматчиси сифатида хизмат ўтаган, деб ёзади «ТАСС» АҚШ Армиясига таяниб.
Баёнотда айтилишича, биринчи синф пиёда аскари Афғонистонда 2013 йил ноябридан 2014 йил июлигача хизмат қилган.
25 ёшли техаслик Афғонистонда 420-муҳандислик бригадаси таркибида қурилиш ишлари билан шуғулланган. Хизмат чоғида бир нечта медаллар билан тақдирланган. АҚШ қуруқликдаги қўшинлари захирасида Жонсон жами олти йилга яқин вақт бўлган.
7 июль, пайшанба куни бир нечта номаълум кимсалар Даллас полициячиларига қарата ўқ узгани хабар қилинганди. Улардан уч нафари қўлга олинди. Отишмалар оқибатида 5 нафар полициячи ҳалок бўлди, 7 нафари яраланди. Яна бир фуқаро жабрланди.
Эслатиб ўтамиз, 6 июль куни АҚШнинг Миннесота штатидаги Фолкон-Хайц шаҳрида полициячи қора танли эркакнинг машинасини тўхтатиб, афроамерикаликни отиб ўлдирган эди. Ушбу воқеа қора танлиларнинг норозилигига сабаб бўлди.
Изоҳ (0)