Тайваннинг Тайчжун шаҳрида спорт курашлари бўйича старт олган Осиё чемпионатининг биринчи кунида юнон-рум кураши бўйича Ўзбекистон ўсмирлар терма жамоасининг икки нафар аъзоси совриндорлар сафидан ўрин эгаллади, деб хабар бермоқда Ўзбекистон Миллий олимпия қўмитаси матбуот хизмати.
Хусусан, Элбек Эргашев -46 кг килограмм вазн тоифасида финалга қадар кечган беллашувларда Қозоғистон, Ҳиндистон ва Қирғизистон спортчиларини мағлуб этиб, ҳал қилувчи баҳсда эронлик полвонга имкониятни бой берди ва кумуш медаль соҳиби бўлди.
-42 килограмм вазндаги спортчилар баҳсида иштирок этган яна бир ўзбекистонлик спортчи Ихтиёр Ботиров чорак финалда Қозоғистон вакилидан устун келиб, ярим финалда ҳиндистонлик Рохан Прокашга имкониятни бой берди. Бронза медали учун кечган баҳсда эса Ботиров Жанубий Корея терма жамоаси аъзосини мағлуб этди.
Изоҳ (0)