Оғир хасталик билан дунёга келгани британиялик теннисчи Франческа Жонсга Лондондаги ўсмирлар ўртасидаги мусобақанинг иккинчи даврасига чиқишига тўсқинлик қилмади. Бу ҳақда «Корреспондент.net» хабар бермоқда.
15 ёшли Жонсда туғма эктодермал дисплазия синдроми қайд этилган бўлиб, ҳар бир қўлида тўрттадан бармоқ билан туғилган. Шундай бўлса-да, теннис билан муваффақиятли шуғулланиб, «Уимблдон» ўсмирлар турнирида иштирок этмоқда. Франческа 2015 йилда учта операцияни бошидан кечирди, натижада «Катта Дубулға» мусобақасида қатнашишга эришди.
Яккалик баҳсларида қиз аввалига колумбиялик Эмилиана Аранго устидан ғалаба қозонди, иккинчи даврада эса америкалик Кайла Дэйга ютқазиб қўйди. Шунга қарамай, Франческа жуфтлик баҳсларидаги иштирокини давом эттириб, ҳамюрти Эли Колинз билан мусобақанинг 1/8 финалига йўл олди.
Изоҳ (0)