Ҳиндистоннинг Bravo Pharmaceuticals компанияси июнь охирида «Навоий» эркин индустриал-иқтисодий зонасида тайёр дори препаратларини ишлаб чиқариш заводини қуришни бошлади, деб ёзади «Газета.uz».
ЭИИЗ сайтида айтилишича, бўлажак завод пойдеворига биринчи ғиштни қўйиш маросимида Bravo Pharmaceuticals раҳбарлари иштирок этди.
Лойиҳа қиймати 2,6 миллион АҚШ долларига баҳоланмоқда. Йил охиригача қуриб битказилиши керак бўлган заводда 100 киши учун иш ўринлари яратилиши режалаштирилган.
Bravo Pharmaceuticals Ўзбекистонда ўз шўъба корхонасига эга, у Bravo Pharma деб номланади.
Изоҳ (0)