Тошкент шаҳрида 5 июль, сешанба куни соат 13:30—14:15 оралиғида кузатилган кучли шамол автомобилларга зарар етказди. Бу ҳақда Facebook’даги «Водители Ташкента (Drivers.uz)» гуруҳида, Telegram мессенжеридаги оммабоп гуруҳларда фотохабарлар қолдирилган.
Хусусан, «Чилонзор» метро бекати яқинидаги Integro мажмуаси остидаги автомобиллар устига реклама баннерлари тушиб кетгани айтилмоқда.
Ҳодиса гувоҳларининг таъкидлашича, ҳодиса натижасида «Жигули» ва «қора чет эл машинаси» зарар кўрган.
Бундан ташқари, Марказий банк бош биноси яқинида, Нуронийлар кўчасида Chevrolet Gentra автомобили устига дарахт шохлари тушиб, автомобилга жиддий зарар етказган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)