Футбол бўйича 2016 йилги Европа чемпионати старти арафасида мухлису мутахассисларнинг аксарияти Италия терма жамоасининг имкониятларига нисбатан паст баҳо бераётган эди.
Бироқ Антонио Конте қўли остидаги «мовий гвардия» ўзига хос сенсацияларни бошлаб улгурди — гуруҳ босқичида мусобақа фаворитларидан бири дея эътироф этилган Бельгия термасини, нимчорак финалда эса мусобақанинг амалдаги ғолиби ҳисобланган Испания термасини 2:0 ҳисобида мағлуб этди.
Испанияга қарши ўйин алоҳида эътиборга молик — тўрт йил аввалги Евро финалида испанлар айнан Италияни 4:0 ҳисобида мағлуб этиб, кетма-кет иккинчи марта Европа чемпионига айланган эди.
2012 йилги финалдаги мағлубият Италия учун анча оғриқли бўлган, Евро—2016 нимчорак финал ўйинидаги ўйин эса ўша мағлубият учун қайсидир маънода қасос олиш имконидек кўрилаётган эди.
Италия терма жамоаси бош мураббийи Антонио Контенинг Испанияга қарши сўнгги ўйиндаги ҳис-ҳаяжонга тўла ҳаракатларини балки шу билан изоҳлаш мумкиндир.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)